بالنسبه للكيك أعملى مقادير الكيك الا بتحبيه انا هاتكلم معاكو عن الكريمه نفسها لانها لو ظبطت صح كل شغلك هايطلع مظبوط ، بالنسبه للكريمه دى احنا بنعيش فى مناطق حاره مش بارده فعلشان الكريمه تستحمل درجات الحراره العاليه فى كذا نقطه مهمه لازم تاخدى بالك منها وانتى بتعملى الكريمه زى بياض البيض والسمنه اكتر مكونين موجودين فى مقادير الكريمه بيساعدو على ثباتها
مقادير الكريمه :
ثلاث ارباع كوب سمن نباتى ( بيبقى لونها ابيض وبتكون موجوده فى اى سوبر ماركت كبير) - ثلاث ارباع كوب زبده طريه- ملعقه صغيره ڤانيلا - ٦ أكواب سكر بودره ناعم جداً( مهم اوى) ومنخول- ٣ ملاعق كبيره لبن- بياض بيضه بدرجة حرارة الغرفه - رشة ملح صغيره.
الطريقه:
- فى طبق عميق اخفقى بياض البيضه مع رشة ملح صغيره حتى يصبح هش ومتماسك( رشة الملح دى بتساعد على ثبات وتماسك بياض البيض ممكن لو عندك مسحوق الترتار تستخدميه ولو مش متوفر بديله رشة ملح صغيره جداً وده المتوفر عند اغلبنا).واتركى بياض البيض لحين الاستخدام.
- أخفقى الزبده والسمن معاً لمدة ٥ دقائق ؛ ضيفى مقدار السكر بالتدريج بمقدار كوب فى كل مره .
- بعد اضافة كل مقدار السكر كاملاً. ضيفى مقدار بياض البيض واللبن بالتدريج وكذلك الفانيلا واكملى الخفق على سرعه متوسطه لمدة ٥ دقائق .
- غطى الخليط بقماشه نظيفه حتى الاستخدام.
فى الكيك ده انا استخدمت قمع واحد هو(1M) التزيين الا فوق القمع بيكون ممسوك بأيد زاويتها٩٠ درجه اما التزيين فى اخر الكيك تحت زاويه الايد ٤٥ درجه يعنى بميل شويه
ليست هناك تعليقات:
إرسال تعليق