ترافيل كوكيز

تراڤيل كوكيز:

 المقادير:

** أى نوع كوكيز بتفضليه كسريه وضيفى أول طبقه بالكأس وعليه طبقه من صوص الشوكولاته ( مقدار كوب من كريمة الخفق سائله او بودره زى ماتحبى اخفقيها كويس وضيفى عليها نص كوب شكولاته غامقه او نصف محلاه مذابه وقلبيه وضيفى منها على أول طبقه من الكوكيز).

** قطعى حلقات من الموز وضيفيها فوق صوص الشوكولاته وعليها طبقه تانيه من الكوكيز وأخيراً الطبقه العلويه من كريمة الجبن:

                     - كوب كريمة جبنه طريه مع مقدار ٢ ملعقه كبيره سكر بودره وكوب دريم ويب 

– أخفقى الدريم ويب مع تلات ارباع كوب لبن لمدة دقيقتين ، ضيفى بعدها الجبنه والسكر ومعلقه صغيره فانيلا واخفقى  لمدة دقيقتين تانيين وزينى الكاسات زى ماتحبى 🌷🌷🌷

كب كيك الفانيلا بكريمة الشوكولاته البيضاء

كب كيك الفانيلا بكريمة الشوكولاته البيضاء:

المقادير:

ثلاث ارباع كوب زبده- كوب ونصف سكر- ٥ بيضات- ٢ ونصف كوب دقيق- ٢ ملعقه صغيره بيكنج بودر- ربع ملعقه صغيره ملح- كوب لبن- ملعقه صغيره فانيلا- ملعقه كبيره بشر برتقال

الطريقه:

- أخفقى الزبده والسكر معاً لمدة ٣ دقائق؛ أضيفى البيض بالتدريج والفانيلا وبشر البرتقال.

- أنخلى الدقيق والبيكنج بودر والملح معاً، ثم أضيفى مقدار الدقيق بالتبادل مع الحليب على سرعه بطيئه( بمعنى ربع مقدار الدقيق ونص مقدار اللبن وبعده ربع تانى من مقدار الدقيق والنص الباقى من اللبن وفى الاخر ضيفى أخر ربع من الدقيق ابدأى بالدقيق وانتهى بيه).اخلطى على سرعه متوسطه لمدة دقيقه حتى تختلط المكونات جيداً.

- صبى خليط الكيك بقوالب الكب كيك وادخليها فرن ١٨٠ درجه من ١٨ الى ٢٠ دقيقه.

- أتركيها حتى تبرد تماماً وزينيها.

كريمة التزيين:

-كوب من كريمة الخفق ( اذا كنتى هتستخدمى كريم شانتيه بودره هاتستخدمى كيسين مع مقدار اللبن المكتوب على الكيس)- ٢ كوب شوكولاته بيضاء مذابه.

- هاتخفقى الكريمه مع اللبن لمدة دقيقتين، وتكونى دوبتى الشوكولاته البيضا على حمام مائى او بالميكروويف وسيبيها تبرد ، بعد كده ضيفيها على الكريمه واخفقى لمدة دقيقتين تانيين وسيبيها ترتاح فى التلاجه وابدأى زينى.

- اما اذا كنتى هاتستخدمى كريمه سايله هاتضيفى مقدار ٢ كوب الشوكولاته مع كوب الكريمه وتحطيهم على حمام مائى لحد ماتدوب الشوكولاته وتسيبيها لمدة ساعتين وتخفقيها.

- زينى الكريمه بالقليل من صوص الكراميل على حسب الرغبه.